Buerie båeteme Niejdan voestes gaavnedæmman jïh jaepietjåanghkose

Buerie båeteme Niejdan voestes gaavnedæmman jïh jaepietjåanghkose

  • Gåessie: Laavadahken Rahkan 7 b.
  • Tijje: 09:00 – 18:00
  • Sijjie: Aulan Samernas Utbildningscentrum, Jåhkamåhkesne.

Gaavnedimmie gaajhkesh Niejdan lïhtsegidie, mah 18 jaepien båeries jallh båarasåaboe. Båetije gaavnedimmie dle ij naan jaepie-aaltere.

Ih leah annje lïhtsegem Niejdan organisasjovnesne? Bæjhkoehth daennie lïnghkene: http://goo.gl/forms/6V7aoKhqWC

Prograamme

09.00 – 09.30 Buerie båeteme jïh aeredsbeapmoe

09.30 – 11.30 Mijjen organisasjovne Niejda

11.30 – 13.00 Aeredsbiejjie-beapmoeh

13.00 – 14.30Pryöeme-aktiviteete. Datne maahtah gaskemsh daaletje-daanhtsoem Marika Renhuvud-inie jallh yogam Gunvor Guttorm-ine veeljedh.

15.00 – 16.00 Svarkeldahke jïh nuepie dåehkine soejkesi bïjre barkedh daan aeredistie.

16.00 – 18.00 Jaepietjåanghkoe

18.00 – Lïhtsegh-iehkede jïh gaske-beapmoeh Sáminuorrine. (Ij naan jaepie-aaltere iehkedasse!)

Abpe hïeljem åesehts juktie Samerådets svenska sektion jïh Samernas Utbildninscentrum mijjese duvtievierhtieh vadteme. Sïjhth båetedh? Bæjhkoehth eannan Golken 30 b. daennie lïenghkene: http://goo.gl/forms/DNmyWLAKLs

Mijjieh dan geerjene daejnie hieljene jïh håhkesjibie jïjnjesh dijjeste sïjhtede båetedh. Gyhtjelassh? Tjaelieh mijjese: niejda@biegga.com.

Buerie båeteme!

/Anna-Maria, Johanna, Tone & Ylva

Mijjen gaskeviermesæjroe: www.chicksinsapmi.com

 

BIEJJIEÖÖRNEGE NIEJDAN JAEPIETJÅANGHKOSE

§1 Tjåanghkoem rïhpeste.

§2 Jaepietjåanghkoen gïele-låhkoem nænnoehstidh.

§3 Tjåanghkoeåvtehkem, tjaelijem jïh buertiegærja-sjiehtesjæjjidie veeljedh.

§4 Tjåarvoem jïh biejjieöörnegem dåhkasjehtedh.

§5 Ekonomijem buerkiestimmie (reereme- jïh revisovretjaalege).

§6 Gyhtjelasse ståvroen dïedte-frijjevoetese.

§7 Lïhtsegemaaksoem nænnoehstidh.

§8 Barkoesoejkesje jïh budsjedte.

§9 Veeljeme;

a) Ståvroeåvtehke.

b) Nieljie ståvroelïhtsegh.

c) Göökte lijkieh ståvroelïhtsegidie.

d) Revisovre jïh lijkie dïsse, akte jaepesne.

e) Golme veeljememoenehtasse 2016, akte dejstie edtja tjåanghkose gåhtjodh.

§10. Jeatjah gyhtjelassh.

 

I kategori Inspiration. permalink.

Kommentera

E-postadressen publiceras inte. Obligatoriska fält är märkta *

*